A edición deste ano conta cunha ducia de atraccións autorizadas polo Concello de Vigo. Entre as propostas instaladas atópanse estruturas de gran tamaño como The King, a Olla Loca e o Explorer, ademais de opcións específicas para o público infantil como o Tren Popof e o carrusel Aerobaby.
A pesar da oferta, o recinto non contará cos tradicionais coches de choque. Aínda que superaran os controis técnicos, a falta de montaxe dentro dos prazos establecidos impediu a súa presenza na celebración.
A programación festiva inclúe diversas actuacións musicais, verbenas e actos tradicionais. A xornada central, que se celebra hoxe, conta con pasacalles, concertos da Banda Escola de Música de Beade e a tradicional misa solemne seguida de procesión.
