O incidente tivo lugar ás 7:33 horas no punto quilométrico 151.9 da AP-9, en dirección a Vigo. Segundo os datos facilitados polo 112, dous vehículos víronse implicados no choque, resultando unha persoa ferida que se queixaba de dor nunha perna.

Este tipo de accidentes son frecuentes neste tramo da autoestrada, provocando bloqueos periódicos na entrada e saída da cidade. Tras o aviso, os servizos de emerxencias mobilizaron a Urxencias Sanitarias-061, Tráfico e o servizo de mantemento de estradas.

As retencións alcanzaron os seis quilómetros nos momentos de maior conxestión, estendéndose máis aló da ponte de Rande. Os paneis informativos da DGT alertaron aos condutores sobre o embotellamento. En sentido contrario, na saída de Vigo, as colas tamén superaron o cruce con Bos Aires, colapsando ambos os sentidos da AP-9.