As prazas convocadas son para as especialidades de Frauta Traveseira e Violín, ambas as dúas a xornada parcial. O prazo para presentar as solicitudes rematará o vindeiro 13 de setembro de 2026.
Para a praza de Profesor/a de Frauta Traveseira, admítense diversas titulacións, incluíndo o título de Graduado/a en Música na especialidade de Interpretación, Título Superior de Frauta Traveseira (LOXSE), Título de Profesor Superior ou de Profesor de Frauta Traveseira do Plan de 1966, ou Título Profesional de Frauta Traveseira do Plan de 1942.
No caso da especialidade de Violín, esíxense titulacións como o Título Superior de Violín, Título de Profesor Superior de Violín, Título Superior de Interpretación no itinerario de Violín, ou Grao en Interpretación no itinerario de Violín.
O procedemento selectivo, tanto para frauta como para violín, rexerase polas bases xerais de contratación para o persoal laboral temporal e as bases específicas. As persoas seleccionadas poderán ser requiridas para impartir outras disciplinas ou exercer cargos directivos se o Concello o solicita.
Toda a documentación necesaria, incluíndo bases e requisitos específicos, está dispoñible na Sede Electrónica do Concello de Verín, no apartado Taboleiro de Anuncios – Emprego Público, así como no taboleiro de anuncios municipal.
