As persoas que aínda conten con saldo nas pulseiras utilizadas durante a XIX Feira do Viño de Monterrei xa poden tramitar a súa devolución. O prazo para realizar esta xestión estará aberto dende o luns 10 de agosto ás 08:00 horas ata o domingo 16 de agosto ás 23:59 horas.
Para solicitar a devolución, é necesario acceder ao formulario habilitado na páxina web do concello e introducir o identificador da pulseira, que se atopa no seu reverso e consta de 14 ou 15 caracteres. Posteriormente, deberanse facilitar os datos persoais requiridos e o número IBAN da conta bancaria onde se desexa recibir o importe. A solicitude non ten gastos de xestión, polo que se devolverá integramente o saldo restante.
Unha vez finalizado o prazo de solicitudes, o 16 de agosto ás 23:59 horas, procederase á tramitación das transferencias bancarias. O importe será ingresado na conta indicada nun prazo máximo de 20 días hábiles.
Para calquera dúbida ou consulta relacionada co proceso, as persoas usuarias poden contactar a través do correo electrónico facilitado polo concello.
