A progresiva entrada dunha masa de aire de orixe atlántica provocará un descenso das temperaturas en toda Galicia. Este cambio comezará a notarse hoxe nas comarcas atlánticas e desprazarase cara ao interior entre hoxe e mañá.
A Consellería de Sanidade ten en conta os datos de Meteogalicia e Meteosalud para elaborar o mapa de riscos para a saúde. Meteogalicia considera as temperaturas máximas e mínimas diarias e os límites para episodios de calor, mentres que Meteosalud analiza series temporais de temperatura e mortalidade dos últimos 20 anos.
O Plan de Actuacións do Goberno galego fronte aos posibles efectos das altas temperaturas e o mapa de riscos para a saúde están dispoñibles na ligazón facilitada pola Dirección Xeral de Saúde Pública.
