O accidente rexistrouse ao redor das 22:30 horas do pasado sábado. As causas do sinistro aínda se descoñecen. Ata o lugar desprazáronse efectivos dos Bombeiros de Valdeorras, con base no parque da Rúa, membros de Protección Civil, axentes da Garda Civil de Tráfico e unha ambulancia do 061.

Os servizos sanitarios atenderon ao condutor no punto do accidente e posteriormente trasladárono ao Hospital Público de O Barco para unha avaliación médica máis completa.

Segundo a información facilitada polos equipos de emerxencia, o ocupante do vehículo non presentaba lesións de gravidade, a pesar da aparatosa saída de vía e o posterior envorco do turismo.

As autoridades encargáronse de regular o tráfico na zona mentres se realizaban as tarefas de asistencia e retirada do vehículo sinistrado da vía pública.