O obxectivo desta iniciativa, apoiada pola Xunta, é reunir proxectos emprendedores e traballar sobre retos reais, descubrindo oportunidades de colaboración entre diferentes sectores. A directora xeral destacou as posibilidades que ofrecen os catro encontros previstos na localidade ourensá ata o vindeiro venres 20 de novembro.
Estes encontros buscan xerar sinerxías entre iniciativas empresariais que queiran avanzar en retos de produto, tecnoloxía ou servizo. Nese senso, Vázquez Guzmán lembrou a dispoñibilidade da Rede de polos de emprendemento e apoio ao emprego para prestar asesoramento gratuíto e personalizado a empresas, persoas autónomas e emprendedoras en 15 puntos do territorio galego.
Na provincia de Ourense, existen catro polos de emprendemento: no Barco de Valdeorras —o polo que lle corresponde a San Xoán de Río—, no Carballiño, en Baños de Molgas e en Verín.
