A actuación, que tamén inclúe unha rúa lateral e a zona fronte ao Centro de Saúde, busca modernizar un dos espazos máis céntricos e transitados da localidade. A intervención é necesaria para solucionar problemas nas infraestruturas soterradas de abastecemento de auga e saneamento, así como para renovar o pavimento deteriorado con máis de 40 anos de antigüidade.
O proxecto tamén acomete unha remodelación do espazo público co obxectivo de mellorar a accesibilidade, a seguridade viaria e a convivencia entre peóns e vehículos, eliminando barreiras arquitectónicas e facilitando os desprazamentos.
“"Estamos ante unha obra moi necesaria, porque non se trata simplemente de cambiar o pavimento dunha praza e das rúas próximas. Era fundamental actuar sobre as infraestruturas que están soterradas e solucionar os problemas que viñamos arrastrando nas redes de servizos. O pavimento tiña máis de catro décadas e resultaba necesario afrontar unha renovación en profundidade."
“"Un dos obxectivos fundamentais desta actuación é eliminar as barreiras arquitectónicas e facilitar os desprazamentos peonís, tanto na propia praza do Campo como nas rúas da súa contorna e, especialmente, no acceso ao Centro de Saúde. Queremos que estes espazos sexan máis cómodos, seguros e accesibles para todas as persoas, con independencia da súa idade ou mobilidade."
O proxecto contempla a substitución de pavimentos, a adaptación de cotas, a delimitación de espazos peonís e rodados, a incorporación de mobiliario urbano, a mellora da sinalización e medidas para a moderación da velocidade dos vehículos.
O investimento total ascende a 685.223,39 euros, IVE incluído, financiado polo Concello e a Xunta de Galicia ao 50% cada administración.
