A festa, que xa cumpre quince anos, busca exaltar os sabores da terra cunha xornada que comeza cun viño de benvida. Os asistentes tiveron a oportunidade de visitar un Mercado de Artesanías onde adquirir produtos locais antes de degustar a comida principal.
O menú incluíu empanada, o protagonista porco ó espeto, bebidas, café e bica. Centos de persoas déronse cita no Pabellón Municipal para participar nesta celebración gastronómica.
A xornada completouse con actuacións musicais, que puxeron o broche final a un día de convivencia e posta en valor da cultura culinaria da comarca.
