A proba, que reuniu a preto de medio cento de deportistas de toda a provincia, foi organizada polo Tríatlon Vilalba, que ademais de ser un dos clubs con maior participación, obtivo resultados notables en diversas categorías, dende benxamín ata cadete.

Na categoría benxamín, os primeiros postos foron para Julia Escobar e Alejandro Farías, ambos do Cidade de Lugo Fluvial, mentres que Martín Fraga Crespo, do Vilalba, acadou o subcampionato. No alevín masculino, o Vilalba tivo dobre representación no podio con Jesús García García como gañador e Iago Fernández Vilariño en terceiro lugar. Saúl Pérez, de Lugo, completou o podio, e Carmen Escobar, tamén de Lugo, impúxose na categoría feminina.

En infantil feminino, Malak Ouhajji, do Vilalba, conseguiu a medalla de bronce, seguida de preto pola súa compañeira Diana Rey Novo. Mariña Portas Díaz, do club Alancar Atletismo, e Leire Santín Díaz, do Fluvial, foron primeira e segunda, respectivamente. No apartado masculino, Adrián López López, do Fluvial, foi o vencedor, con Martín Fernández Prieto e Juan José Cornide Díaz, ambos do Vilalba, en segundo e terceiro posto.

O Tríatlon Vilalba dominou por completo a competición cadete masculina, ocupando os tres primeiros postos con Bruno Pintos López (primeiro), Mateo Cupeiro López (segundo) e Lucas Fernández Prado (terceiro). Na categoría feminina, Claudia Vivero Álvarez foi segunda, por detrás de Julia Maseda e por diante de Lara Rodríguez. Lara Paz Millor, tamén do Vilalba, rematou en cuarta posición.

Ademais dos éxitos individuais, o Tríatlon Vilalba destacou na competición por equipos, acadando o primeiro posto nas categorías alevín, infantil e cadete masculina, e un segundo posto en benxamín masculino.

O club xa se atopa inmerso na organización do I Dúatlon Torre dos Andrade Concello de Vilalba, que se celebrará o vindeiro domingo 19 de abril. Este evento será tamén o Campionato Xunta de Galicia de relevos mixtos e unha das probas da Liga de duatlón de estrada.