A denuncia, interposta polo portavoz dun grupo municipal do Concello de Guitiriz, centrábase na percepción de dietas por un valor de 381,65 euros, correspondentes a unha viaxe oficial a Portugal. Alegábase unha suposta incompatibilidade entre a presenza da alcaldesa no estranxeiro e a súa asistencia a unha Xunta de Goberno Local celebrada o 10 de decembro de 2025.
Con todo, a documentación achegada durante a instrución, segundo se recolle no auto xudicial, demostrou que a rexedora percibiu as dietas de acordo co establecido no correspondente acordo plenario. Ademais, acreditouse que a súa participación na Xunta de Goberno Local foi de forma telemática, o que invalida as acusacións presentadas na denuncia.
“"O resultado das mesmas non logrou confirmar a existencia de indicios suficientes da comisión dos feitos denunciados."
A resolución xudicial, que aínda non é firme, permite a interposición dun recurso fronte a ela.
