A conselleira de Vivenda e Planificación de Infraestruturas, María Martínez Allegue, fixo balance da convocatoria en Forcarei, destacando a "resposta abafadora" que tivo a iniciativa, lanzada en xaneiro deste ano. A partida, dotada con máis de 2,1 millóns de euros, esgotouse rapidamente debido á alta demanda.
Durante a súa visita, a conselleira anunciou a concesión dunha axuda autonómica de 650.000 euros ao concello pontevedrés de Forcarei. Este financiamento destinarase á recuperación de antigas casas de mestres situadas na avenida das Maleitas, que levaban aproximadamente 30 anos abandonadas.
A rehabilitación deste conxunto de inmobles permitirá a creación de 10 novas vivendas públicas, modernas e de calidade. Esta medida busca incrementar a oferta residencial no municipio e favorecer a fixación de poboación na zona.
“"Valoramos o compromiso do Concello de Forcarei coa recuperación do seu patrimonio e co impulso de políticas activas de vivenda."
A conselleira tamén subliñou o esforzo da Xunta no ámbito da rehabilitación residencial. Sinalou que, no que vai de lexislatura, concedéronse axudas para rehabilitar un total de 66 vivendas, cun investimento global que supera os 3,1 millóns de euros.
