A obra, adxudicada o pasado luns, será executada por Oziona Soluciones de Entretenimiento. Esta iniciativa responde ao crecemento poboacional da zona e ao carácter estratéxico do parque, situado preto do CEIP Figueiroa e da Escola Infantil Municipal.
O parque actual, de 116 metros cadrados, sumará 60 metros extra destinados ao ocio infantil. O proxecto inclúe a ampliación da soleira e a instalación de novas lousas homologadas, ademais de novos elementos de xogo.
A pérgola existente manterase como zona de sombra, e tamén se conservará o espazo de xardín para usuarios de maior idade. A mellora será sufragada cunha baixa do Plan +Provincia da Deputación de Pontevedra.
