A nova decoración de Nadal para A Estrada para 2026 aposta por unha ambientación máis cálida, tradicional e entrañable, combinando luces con grilandas vexetais, adornos clásicos e árbores decoradas.
Entre as novidades deste ano destacan unha nova ambientación para a fachada do Concello e o palco da música da Alameda. Tamén se creará un Bosque de Nadal con nove árbores de diferentes alturas, unha casa de Papá Noel e un espazo para depositar as cartas dos máis pequenos.
Unha árbore de 22 metros na Praza de Galicia será a máis alta da historia do Nadal estradense, case duplicando a medida doutros anos. Este espazo cobra especial protagonismo coa súa recente peonalización.
A iluminación continuará sendo un elemento clave, con 119 arcos luminosos, 262 elementos de iluminación e máis de medio millón de microLED.
O obxectivo é que "o Nadal sexa moito máis ca luces: que convide a pasear, descubrir os nosos espazos, fotografarse, reunirse e . Un Nadal para sentir e lembrar. Un Nadal para desfrutar na Estrada, de día e de noite."
