O sinistro produciuse ao redor das 14:45 horas cando dous coches chocaron na entrada ao núcleo de Vilasouto. O servizo de emerxencias 112 Galicia recibiu o aviso a través do 061, o que motivou a mobilización inmediata de efectivos da Garda Civil de Tráfico e voluntarios de Protección Civil de O Incio.

Debido á gravidade do accidente, foi mobilizado un helicóptero medicalizado con base en Ourense. Esta aeronave encargouse de trasladar a unha das persoas feridas ao centro hospitalario.

A outra persoa ferida foi evacuada en ambulancia, mentres que unha terceira persoa recibiu atención no mesmo punto do accidente. O suceso provocou un corte na vía que durou ata a retirada dos vehículos implicados.