O proxecto, enmarcado no convenio coa Consellaría de Política Social e Igualdade para o desenvolvemento do Plan Corresponsables da Xunta de Galicia, céntrase especialmente no estudantado residente nos centros do Servizo Universitario de Residencias (SUR) da USC.
A través dunha metodoloxía vivencial e participativa, a iniciativa busca non só concienciar sobre os efectos das microviolencias, senón tamén implicar activamente ao estudantado na construción dunha comunidade universitaria máis igualitaria, empática e coidadora.
Os obradoiros continuarán nos vindeiros días nas diferentes residencias e colexios maiores do SUR, abertos a todo o estudantado da USC. As próximas citas son no Colexio Maior Rodríguez Cadarso (mércores, 21 de outubro, 20:00h), na Residencia Monte da Condesa (luns, 26 de outubro, 20:00h), na Residencia Burgo das Nacións (martes, 27 de outubro, 20:30h) e no Colexio Maior Fonseca (mércores, 28 de outubro, 20:00h).
As prazas deben reservarse a través dun formulario de inscrición en liña.
