O texto, fundamentado en argumentos legais e pedagóxicos, busca transmitir á sociedade o seu compromiso cunha educación que priorice o respecto aos dereitos humanos e á convivencia. Tamén defende a autonomía pedagóxica dos centros e a liberdade de cátedra do profesorado.
A declaración expresa a solidariedade da comunidade universitaria coa poboación palestina, esixindo a paralización da violencia e o fin da impunidade. O manifesto advirte que ignorar a situación actual converte en cómplices do "escolasticidio estrutural" a través do "silenciamento" e a chamada "excepción palestina" en materia de dereitos humanos.
“"Ignorar isto convértenos en cómplices do escolasticidio estrutural a través da nosa conivencia co escolasticidio simbólico practicado a través do silenciamento e a implementación do que se ten coñecido como a excepción palestina en materia de dereitos humanos"
Complementando o manifesto, a Facultade de Formación do Profesorado de Lugo emitiu unha declaración a prol dunha educación democrática e comprometida cos dereitos humanos. Con esta iniciativa, o centro convértese no primeiro universitario galego de ciencias da educación en formalizar publicamente o seu posicionamento, unha proposta que xurdiu a finais do curso pasado entre o profesorado da Facultade de Ciencias da Educación da Universidade da Coruña.
