Os centros educativos públicos poderán presentar os seus proxectos desenvolvidos durante o curso 2025/26. A convocatoria está destinada a centros que imparten educación infantil e primaria, así como aqueles que ofrecen secundaria, bacharelato, formación profesional e ensinanzas de réxime especial.
O premio conta cunha dotación total de 30.000 euros. En cada unha das dúas categorías, concederase un primeiro premio de 8.000 euros, un segundo de 4.000 euros, un terceiro de 2.000 euros e unha mención de honra de 1.000 euros. As solicitudes presentaranse por vía electrónica a través da sede da Xunta.
Esta iniciativa reforza o compromiso da Consellería coa creación de contornas escolares seguras e inclusivas. A normativa de convivencia tamén foi actualizada recentemente para fortalecer o clima de respecto nas aulas.
Os premios enmárcanse nun conxunto de medidas contra o acoso escolar, como o Contrato de Vida Dixital, a Rede de Concellos contra o Acoso Escolar, a prohibición do uso de teléfonos móbiles nos centros, os Puntos Laranxa, o Termómetro do Acoso Escolar e os Equipos ACAE.
