A terceira tempada da Escola de Cociña de Ternera Gallega xa está dispoñible na canle de Youtube da IXP. Esta iniciativa ofrece receitas creativas, trucos de cociña e información sobre a versatilidade das diferentes pezas da carne certificada, destacando a súa tenrura, zumenta e sabor.
Ademais, o Consello Regulador tamén lanzou novos contidos audiovisuais para as redes sociais da IXP Vaca Galega-Boi Galego. O obxectivo é pór en valor as calidades do vacún maior certificado e fomentar o seu consumo nos fogares, máis alá do recoñecido prestixio que xa ten na restauración.
As propostas gastronómicas buscan adaptarse á cociña actual, ofrecendo técnicas de corte e preparación que responden ás necesidades dos consumidores e dos profesionais do sector cárnico.
As novas propostas buscan dar resposta ás necesidades dos consumidores e dos profesionais cárnicos.
O acto de presentación destes novos materiais tivo lugar o pasado 20 de maio na sede do Consello Regulador en Santiago de Compostela. O evento contou coa presenza dos catro chefs colaboradores, quen ofreceron unha degustación dalgúns dos pratos que se poderán atopar nos novos contidos.
