A rexedora de Santiago, Goretti Sanmartín, xunto á concelleira de Dereitos e Servizos Sociais, María Rozas, e representantes de diversos grupos da Corporación Municipal, recibiu no Pazo de Raxoi a un grupo de peregrinos. Estes chegaron á cidade tras completar o Camiño de Santiago coa Federación de Asociacións de Familiares e Persoas con Enfermidade Mental (FEAFES) Galicia.
O encontro tivo lugar no Salón Vermello do Pazo de Raxoi. Alí, tanto Goretti Sanmartín como María Rozas dirixiron palabras de benvida ás persoas participantes, desexándolles unha agradable estadía na capital galega.
“"Agradecemos o recibimento e reivindicamos a necesidade de darlles voz nos debates sociais."
Como agasallo institucional, a alcaldesa fixo entrega dunha ilustración das Marías e dun libro sobre a historia de Santiago.
