A iniciativa, impulsada en colaboración coa Deputación Provincial de Lugo, busca garantir a seguridade dos máis novos durante a observación deste fenómeno natural. As gafas cumpren coa normativa ISO 12312-2:2015 e o marcado CE.
A distribución realizarase na casa consistorial, na mesa situada no vestíbulo principal, en horario de 9.00 a 14.00 horas, de luns a venres. Os proxenitores deberán presentar o seu DNI e o Libro de Familia para acreditar o parentesco e a idade do menor.
No caso de que sexan os propios menores os que acudan a recoller o material, deberán achegar o seu DNI. As lentes virán acompañadas dun tríptico informativo con consellos de observación e saúde para gozar do eclipse de forma segura.
