A demostración, realizada pola empresa galega Aguia, especializada nesta metodoloxía, tivo lugar nas estradas PO-231 e PO-233. No acto tamén estivo presente a directora da Axencia Galega de Infraestruturas, María Deza.
O proceso de inspección comeza coa captura de imaxes de alta resolución do pavimento mediante un voo sobre a estrada. Posteriormente, efectúase o procesamento fotogramétrico das imaxes para xerar ortofotos da zona inspeccionada.
Esta tecnoloxía permite detectar de xeito automático posibles defectos no firme mediante algoritmos de visión artificial. A conselleira Allegue salientou o traballo desta empresa galega e estudaranse posibles vías de colaboración.
