A Policía Local de Santiago detivo este domingo ao presunto autor dunha agresión ocorrida nas inmediacións do pub Stilo, no Ensanche compostelán. Os feitos, que tiveron lugar sobre as 14.40 horas, non se corresponden cun apuñalamento senón cunha ferida provocada por unha botella rota.
Fontes municipais confirmaron a detención do presunto agresor por axentes da Policía Local. Por agora, non se facilitaron máis detalles sobre o estado da vítima nin sobre as circunstancias exactas que orixinaron o enfrontamento, que se atopa baixo investigación.
A agresión produciuse na mesma rúa onde horas antes rexistrouse unha pelexa multitudinaria.
Este incidente prodúcese poucas horas despois dunha pelexa multitudinaria rexistrada na mesma rúa, cuxas imaxes se difundiron nas redes sociais. A sucesión destes altercados volve poñer o foco nas denuncias de inseguridade realizadas por asociacións veciñais da cidade.
Precisamente, este luns está prevista unha concentración na praza Roxa para reclamar medidas fronte aos problemas de convivencia e o tráfico de drogas denunciados polos residentes de varios barrios.
