A rúa de San Martiño de Aríns permanecerá cortada ao tráfico nos días 29, 30, 31 de xullo e 3 de agosto. O tramo afectado será o comprendido entre a rotonda da rúa das Estrelas e o cruzamento coa rúa do Pasadoiro.
O corte estará vixente dende as 8:00 ata as 21:00 horas de cada día indicado. Fóra dese horario, así como durante a fin de semana, a vía estará aberta á circulación.
Os desvíos alternativos para este corte de tráfico implicarán o uso das rúas do Pasadoiro, rúa Senande, rúa da Seitura e rúa das Estrelas.
A liña 7 do transporte urbano de Santiago tamén verá modificada a súa ruta durante os días e horarios de corte. O autobús desviarase pola rúa do Pasadoiro cara a Sanxuás, retomando o seu percorrido habitual no cruce entre a rúa Senande e Pasadoiro.
Debido a este desvío, quedarán suprimidas as seguintes paradas para a liña 7: (295) Lobío; (016) A Pena; (540) San Martiño, cruce Agra das Lamas; (033) Agra dos Campos; (320) Monte do Gozo, rotonda; (034) Agra dos Campos, cruce Senande; (517) rúa de Senande; e (592) Sanxuás.
O Concello de Santiago pide desculpas á cidadanía polas molestias que estas alteracións poidan ocasionar.
