Esta actuación complementa a construción da senda peonil na zona, unha infraestrutura moi demandada polos veciños. O viario en cuestión, que discorre por diante do CEP de Ventín, ten unha lonxitude aproximada dun quilómetro e presentaba deficiencias no seu pavimento.
“"No pasado ano en Coira xa se executou unha senda peonil e a pavimentación dos interiores deste lugar por un importe de 272.057 euros, e agora vanse investir preto de 65.000 euros máis para completar a actuación iniciada en 2025 e pavimentar o seu viario principal, que discorre por diante do colexio, e conta cunha lonxitude dun quilómetro. Trátase dunha obra moi necesaria xa que dito viario presenta deficiencias no pavimento."
Ademais desta mellora, Coira beneficiouse doutras dúas importantes inversións, que suman arredor de 125.000 euros, destinadas a solucionar o problema de acumulación de augas pluviais na entrada do CEP de Ventín. Estas intervencións recentes resolveron a evacuación de auga durante as fortes chuvias, unha problemática que persistía dende hai anos.
O proxecto actual centrarase na mellora da capa de rodadura do viario principal de Coira. As actuacións contemplan dous tramos específicos: un de 660x5 metros e outro de 320x6 metros, ademais de 390 metros cadrados de sobreanchos existentes. Aplicarase unha mestura bituminosa descontinua de tres centímetros, previa regularización dun tramo de 660 metros cun centímetro da mesma mestura.
Finalmente, as obras incluirán a limpeza de cunetas e pasos de cuneta para asegurar unha correcta drenaxe lonxitudinal e transversal, así como a sinalización horizontal co pintado de liñas de bordo e símbolos, mellorando a seguridade e funcionalidade da vía.
