Nos próximos días espérase a resposta de Patrimonio e as propostas das empresas para poder levar a cabo a obra de recolocación das pedras ao redor da fuga detectada na presa.
A escaseza de auga afecta a varios municipios galegos que se atopan en prealerta. Localidades como Val do Dubra ou Frades tiveron que recorrer a cisternas para abastecer os seus depósitos, vendo comprometido o subministro nalgunhas vivendas e granxas. Outros concellos, xa en alerta, como Silleda ou A Estrada, non sofren esta problemática ao nutrirse de ríos que non experimentaron baixadas significativas.
Por outra banda, a Universidade de Santiago de Compostela (USC) volve a ser recoñecida no prestixioso ranking Shanghái, que destaca o esforzo investigador das mellores 1000 universidades do mundo.
A asociación APACA tamén sinala as limitacións que sofren os cans que acompañan aos peregrinos, xa que poucos aloxamentos permiten mascotas, e pide maior consideración e un cambio nestas políticas.
