O festival arrincará o venres ás 22:00 horas no Pazo da Peregrina co concerto do grupo Manuel Cebrián Trío, liderado polo guitarrista e compositor Manuel Cebrián.
A xornada do sábado comezará ás 13:30 no Bar Transistor coa actuación de Suelen Estar Quartet, un cuarteto de corda formado en Vigo en 2011. Posteriormente, ás 19:00 horas, o Paseo do Rego do Ameneiral acollerá o ensaio aberto da Orquestra Galega de Liberación, unha comunidade de artistas residentes en Galicia.
O encargado de pechar o festival será MBM Trío, grupo formado en 2009 que xa xirou por países como Brasil ou México. A súa actuación terá lugar no Pazo da Peregrina ás 22:00 horas.
O Concello de Ames informou que, en caso de choiva, os concertos trasladaranse ao Auditorio do Centro Sociocultural de Bertamiráns.
