A intervención, enmarcada no Plan Hurbe da Xunta, centrarase na rehabilitación do firme, o acondicionamento das beirarrúas e a eliminación de barreiras arquitectónicas para crear un espazo máis seguro e accesible.
A empresa Construcciones Fechi será a encargada de executar os traballos nesta parroquia de San Salvador, unha zona con alta actividade comercial e tráfico constante, que conecta coa PO-308.
O obxectivo principal é mellorar a mobilidade e a homoxeneidade visual da contorna, garantindo a continuidade dos itinerarios peonís e de vehículos.
Segundo o convenio asinado, a Xunta achegará o 70% do investimento total, mentres que o Concello de Poio asumirá o 30% restante.
