A iniciativa, que se desenvolve esta semana, conta coa colaboración da Federación Frisoa Galega, o Club de Xóvenes Gandeiros de Galicia e a Cooperativa Rural Galega. O deputado provincial Jorge Cubela deu a benvida aos participantes, destacando o papel da Finca Mouriscade e o compromiso da Deputación co sector gandeiro.
Cubela subliñou a importancia de "garantir o relevo xeracional nun sector que é fundamental para o desenvolvemento do rural, pero tamén para o conxunto da sociedade", e manifestou o compromiso da institución co medio rural e o sector agrogandeiro para facelo atractivo ás novas xeracións.
Tamén fixo fincapé no papel da Finca Mouriscade, considerada un referente pola súa aposta pola innovación e a investigación. A granxa desta finca é a terceira mellor explotación gandeira de España e mellorou significativamente a súa clasificación nos últimos catro anos, sendo unha referencia a nivel nacional pola calidade xenética dos seus animais e a mellora da eficiencia produtiva das ganderías da provincia.
