Un operario resultou ferido de gravidade este luns ao caer polo oco dun ascensor nun edificio en construción na rúa Eduardo Pondal, en Pontevedra. Segundo informou o 112 Galicia, o traballador presentaba un traumatismo cranioencefálico e sufriu unha fractura aberta no nocello tras caer dende unha altura de entre 15 e 20 metros.
O ferido tivo que ser trasladado en ambulancia ao Hospital Montecelo. Ata o lugar desprazáronse efectivos do Servizo de Urxencias Sanitarias, así como axentes da Policía Local, da Policía Nacional e da Garda Civil.
