Técnicos municipais confirmaron esta posibilidade despois dunha primeira inspección ás obras de emerxencia. A alternativa principal é volver utilizar escaiola na restauración da instalación, que se viu obrigada a pechar por motivos de seguridade.
A elección do material para a reforma, que será executada por Construcciones Ramírez cun custo de 220.000 euros, estará condicionada pola escaseza de man de obra especializada e polos resultados dos estudos acústicos. A consultora Refuerza, de Pontevedra, xa realizou o levantamento xeométrico en 3D e encargarase do deseño de reflectores no patio de butacas, cun orzamento de 25.000 euros. A dirección da obra correrá a cargo do despacho LAF Artec, por 7.260 euros.
“"O Teatro Principal é un activo importantísimo para a actividade cultural do Concello. Polo tanto, queremos arranxalo o antes posible para que estea a disposición de todos os pontevedreses."
O prazo estimado para a execución das obras é de seis meses, coa previsión de que a reparación estea finalizada a mediados do próximo mes de outubro, sempre que non xurdan contratempos. Durante a visita ao auditorio, xa se retiraron todas as butacas para facilitar os traballos. O rexedor tamén confirmou a renovación das 434 butacas do teatro, aínda que está por decidir se se retapizarán as que están en mal estado ou se adquirirán novas.
Ademais da reconstrución do falso teito, os traballos incluirán a limpeza e o vernizado do chan de madeira do auditorio. En paralelo, o Concello continúa coas obras de mellora da accesibilidade no Teatro Principal, adxudicadas o ano pasado a Construcciones Ramírez por 274.156,68 euros. Este proxecto inclúe a instalación dun ascensor, a reforma de tres baños e a impermeabilización da terraza para evitar filtracións de auga.
