O mes de maio marca o inicio dunha nova tempada de vodas que reflicte unha clara evolución respecto á última década. As parellas buscan agora eventos que se adapten á súa personalidade, deixando atrás cerimonias ríxidas e banquetes interminables.
“"Xa non se trata tanto de facer unha voda, senón de crear algo que teña sentido para a parella, que se poida vivir cos cinco sentidos."
Un dos cambios máis notables obsérvase nos lugares de celebración. Os restaurantes tradicionais perden terreo fronte a espazos máis exclusivos como pazos, adegas ou leiras privadas, que ofrecen maior liberdade para deseñar eventos a medida. Esta tendencia responde á busca de exclusividade e á necesidade de evitar lugares onde xa se celebraron vodas de familiares ou amigos.
Ademais, a tempada de vodas esténdese máis aló dos meses de verán, con cada vez máis celebracións en outubro, novembro ou abril, e mesmo durante o inverno. Aínda que o factor meteorolóxico segue sendo unha consideración importante en Galicia, a dispoñibilidade de espazos e a busca de propostas diferentes impulsan esta ampliación do calendario.
O formato do banquete tamén evolucionou. O cóctel gaña protagonismo fronte ao menú tradicional en mesa, priorizando a animación, a música e a decoración. Moitas parellas optan por cócteles longos con estacións de comida e servizos máis reducidos en mesa, buscando que os convidados vivan unha experiencia interactiva con showcookings, pulpeiros ou mesas temáticas.
“"Está quedando atrás ese banquete longo e interminable no que te pasabas practicamente toda a voda sentado."
A tendencia actual tamén inclúe unha redución no número de convidados, o que permite unha maior inversión por persoa e unha priorización da calidade fronte á cantidade. O custo medio por comensal rolda os 180 euros, e unha voda de cen persoas pode superar os 40.000 euros. Os detalles tamén cambiaron, substituíndo os agasallos clásicos por experiencias, doazóns ou recordos personalizados.
Este cambio de mentalidade reflicte unha maior flexibilidade no horario, o número de convidados e o desenvolvemento do evento. As vodas actuais son máis personalizadas, experienciales e menos ríxidas, adaptándose ás parellas en lugar de que estas se adapten ao espazo. Na provincia de Pontevedra, preto do 90% dos matrimonios xa son civís, segundo o Instituto Galego de Estatística, o que subliña esta transformación na forma de entender o enlace.
