A iniciativa, que busca fomentar o acordeón entre as novas xeracións e dar visibilidade aos mozos e mozas que o practican, nace ante a escasa presenza de xente nova nos festivais actuais.
O director da Escola, Juan Mariño, xunto co alcalde Ángel Moldes e a concelleira de Cultura Natalia Sabarís, presentaron o evento. Mariño sinalou que en encontros recentes, a maioría de acordeonistas eran maiores de 20 anos.
O festival non será un concurso, senón unha mostra musical onde os participantes interpretarán pezas populares, tradicionais e modernas, co obxectivo de romper estereotipos sobre o instrumento.
A organización contactou con escolas de toda Galicia e doutras comunidades, confirmando a pouca presenza de alumnado infantil e xuvenil na maioría dos centros.
Finalmente, o festival reunirá ao alumnado da Escola de Acordeóns de Campelo, un acordeonista de León e un mozo de Meaño. As participantes máis novas da Escola de Poio teñen 7 e 9 anos.
