Un total de 157 profesionais, dos cales 119 son mulleres e 38 homes, recibiron o recoñecemento da institución sanitaria polo seu labor e compromiso co servizo público durante o ano 2025.

O evento contou coa presenza do equipo directivo da Área Sanitaria, encabezado polo xerente, José Flores Arias, xunto a responsables asistencias e compañeiros que quixeron acompañar aos homenaxeados.

En representación do colectivo xubilado, interviron Fernando Lois Vidal, do Laboratorio do Hospital Montecelo e do Centro de Saúde de Lérez, e Miguel Suárez Briones, médico de Urxencias. Ambos compartiron lembranzas e puxeron en valor a evolución da sanidade pública e o papel dos equipos humanos.

Destacaron a importancia do traballo conxunto, a vocación de servizo e o compromiso dos profesionais que contribuíron á consolidación dun "sistema sanitario público de calidade".

Responsables da Área Sanitaria agradeceron a dedicación, profesionalidade e contribución ao coidado da saúde da poboación ao longo dos seus anos de servizo, subliñando que a súa experiencia e legado forman parte da historia da sanidade pública galega.

O acto estivo amenizado pola Coral Polifónica O Chopo e concluíu cunha fotografía de grupo.