O Equipo de Investigación e Reconstrución de Accidentes de Tráfico da Garda Civil, xunto con membros do Subsector de Tráfico de Pontevedra, levou a cabo esta mañá unha proba na CG-4.2, no mesmo punto onde se produciron os feitos. O obxectivo era esclarecer as circunstancias do sinistro no que faleceu un motorista de 33 anos tras ser arrolado por un coche cuxo condutor se deu á fuga.
Segundo as investigacións preliminares, o vehículo implicado tería invadido o carril contrario e impactado contra a motocicleta da vítima. A Garda Civil agradeceu á marca BMW a cesión dun vehículo con características similares ao do detido para poder realizar a reconstrución con maior precisión.
“"O condutor do coche tería subido a outro vehículo que circulaba pola vía e foi trasladado ao centro médico de Tui, onde se lle perdeu a pista."
O condutor do turismo, un mozo de 25 anos veciño de Murcia, foi detido unha semana despois do accidente. A pesar de que se decretou prisión provisional, evitou o cárcere tras abonar unha fianza de 150.000 euros. Actualmente, o proceso atópase á espera de xuízo.
