O club pontevedrés confirmou que o escrito foi presentado en tempo e forma, abrindo unha nova etapa na súa batalla legal. Agora, a entidade granate agarda a decisión do comité para coñecer os seguintes pasos no caso.
Esta acción chega despois de que o pasado luns o club recibise a resolución do Xuez Único de Competicións Non Profesionais, que outorgaba a praza de promoción a Segunda División ao filial madridista. O Pontevedra CF xa manifestara a súa intención de continuar coa defensa dos seus intereses.
A disputa pola quinta posición do Grupo 1 de Primeira Federación arrastrábase desde o pasado sábado, tras a conclusión da xornada 38. O prazo para interpoñer este recurso ante o Comité Nacional de Segunda Instancia da RFEF, sen efecto suspensivo, finalizaba na noite deste mércores.
