O curso, que se desenvolverá do 15 de setembro ao 30 de outubro, conta con 15 prazas e está dirixido a persoas interesadas en incorporarse ao sector da limpeza profesional. A formación consta de 100 horas, combinando 60 horas teóricas na Casa Rosada e 40 horas de prácticas profesionais.
A inserción laboral das edicións anteriores é destacada: en 2025, o 75% das 31 persoas formadas (16 como dependentes polivalentes e 15 en limpeza hospitalaria) continúan traballando ou o fan de forma case ininterrompida. No que vai de 2026, 13 mulleres formáronse como dependentes polivalentes, cunha inserción laboral próxima ao 60%.
As persoas veciñas de Poio teñen prioridade para participar. As inscricións realízanse no Servizo de Orientación Laboral do Concello, chamando ao teléfono 986 770 001 (extensión 1502).
Entre os contidos do curso inclúense o tratamento de solos, paredes e teitos, limpeza de mobiliario e cristais, uso de máquinas de limpeza e a integración no centro de traballo. Esta iniciativa forma parte da oferta formativa do Concello para persoas en situación de desemprego.
