O incidente, que se orixinou por un curtocircuíto nun cable da liña de alta tensión da compañía Naturgy na parroquia de Tenorio, en Cerdedo-Cotobade, causou un pequeno incendio. A consecuencia desta avaría, o subministro eléctrico interrompeuse nas parroquias de Tenorio e Calvelo durante a tarde e noite do mércores.
Dende o momento en que se logrou extinguir o lume, persoal da empresa Elecnor traballou intensamente no lugar para reparar os danos e solucionar a avería na rede.
O restablecemento do servizo de enerxía eléctrica en ambas as localidades non se produciu ata as 00:48 horas da madrugada do xoves, cando os técnicos conseguiron restaurar a normalidade.
O alcalde de Cerdedo-Cotobade, Jorge Cubela, eloxiou a rápida actuación da compañía ante a incidencia, cualificando a intervención para resolver o corte de luz como "moi rápida".
