As sesións abordarán estratexias para mellorar a resiliencia dos cultivos fronte a factores de estrés biótico e abiótico. Entre os temas principais destaca o uso de produtos naturais para o recubrimento de sementes e a aplicación radicular de biostimulantes, compostos por aceites esenciais e microorganismos beneficiosos como fungos e bacterias.
O programa inclúe a análise de técnicas para optimizar a produción de trigo, un cultivo estratéxico para a seguridade alimentaria na rexión mediterránea. Os expertos debaterán sobre a integración de métodos de mellora xenética convencionais e modernos, como a fenotipaxe de alto rendemento e a avaliación participativa de variedades.
A iniciativa está promovida por CONEXIÓN REGEN, un proxecto do CSIC dedicado á conservación da biodiversidade e os recursos xenéticos, e conta coa organización da Unidade de Valorización da MBG. A asistencia é de balde, aínda que se require rexistro previo para persoas alleas á institución.
