O PROGRAMA INTEGRADO DE EMPREGO DO CONCELLO DE CUNTIS 2026/2027 xa está en marcha. Esta iniciativa, compartida polos concellos de Cuntis, Barro, Caldas de Reis, Portas, A Estrada e Moraña, ten como obxectivo mellorar a empregabilidade e facilitar o acceso ao mercado laboral.
O programa está dirixido a persoas desempregadas empadroadas nalgún destes seis concellos que pertenzan a colectivos como mulleres desempregadas, persoas menores de 30 anos, maiores de 52 anos, persoas con discapacidade, persoas migrantes ou en risco de exclusión social.
Ofrecerá formación práctica, orientación laboral e prácticas en empresas en diversos ámbitos profesionais, incluíndo loxística, técnicas de venda, informática básica, habilidades sociais, busca de emprego, soldadura, fontanería, electricidade, carpintería, manexo de desbrozadora e motoserra, prevención de riscos laborais e manipulación de alimentos.
Ademais, os participantes contarán cunha axuda de 10 € por cada día de asistencia, apoio para a conciliación familiar e acceso a recursos municipais como a gardería municipal, ludoteca e servizo de atención temperá.
O programa está subvencionado pola Consellería de Emprego, Comercio e Emigración da Xunta de Galicia, con fondos do Servizo Público de Emprego.
