As accións formativas forman parte do Programa Municipal de Formación 2026 e tiveron lugar nas instalacións do Centro Municipal de Formación Irmás Froilaz, na Gándara. O alumnado recibiu a súa acreditación tras completar dúas edicións de 50 horas cada unha, celebradas entre setembro e outubro.
Os contidos abordados incluíron o manexo de carretillas e plataformas elevadoras móbiles de persoal, así como módulos transversais sobre orientación laboral, igualdade de oportunidades, perspectiva de xénero e Prevención de Riscos Laborais e Medio Ambiente no sector naval.
A rexedora local e a edil de Formación interesáronse pola experiencia formativa do alumnado e subliñaron o compromiso do Concello coa capacitación das persoas desempregadas en áreas con alta demanda na comarca.
