O suceso tivo lugar arredor das 22:27 horas. O impacto entre os dous turismos foi de gran intensidade, o que obrigou a mobilizar diversos efectivos de emerxencias para atender aos afectados e asegurar a zona do sinistro.

A colisión afectou aos dous carrís de circulación, xerando retencións en ambos os sentidos da vía debido á presenza de restos dos vehículos e vertidos sobre o asfalto. Os equipos de emerxencia traballaron na retirada dos restos para restablecer a normalidade no tráfico.

No operativo de rescate e asistencia participaron os Bombeiros de Barbadás, voluntarios de Protección Civil, patrullas da Garda Civil de Tráfico e tres ambulancias do servizo 061, que se encargaron do traslado dos feridos aos centros hospitalarios correspondentes.