O centro educativo Salesianos de Ourense atópase entre os 20 colexios de Galicia seleccionados pola Consellería de Educación para recibir o premio ao Reto STEM Polos Eclipsados. Destacaron polo desenvolvemento de actividades innovadoras centradas no eclipse solar previsto para o mes de agosto.

Os alumnos que formaron parte do grupo premiado, xunto cos seus profesores Iago e Marta, desprazáronse á Cidade da Cultura en Santiago. Alí, tiveron a oportunidade de expoñer e explicar o seu proxecto nun stand, recibindo así o galardón. O traballo permitiu achegar a astronomía aos estudantes de maneira multidisciplinar.