Ante a previsión de termómetros próximos aos 40 graos, a administración estatal habilitou estes espazos dentro da súa rede de infraestruturas. A iniciativa pretende mitigar os efectos da vaga de calor que afecta a toda a provincia, onde tamén se mantén a vixilancia polo risco de incendios forestais.
Os puntos habilitados na cidade de Ourense son a Confederación Hidrográfica do Miño-Sil, situada no Parque de San Lázaro, con horario de 9:30 a 14:30 horas; a Oficina de Rexistro e Estranxeiría na Rúa Mestre Vide, aberta de 9:00 a 14:00 horas; e o Instituto Nacional da Seguridade Social (INSS) na Rúa do Concello, tamén operativo de 9:00 a 14:00 horas.
Esta actuación intégrase na nova rede estatal de refuxios climáticos, que xa conta con máis dun milleiro de espazos en todo o territorio. Ademais dos puntos ourensáns, a rede inclúe outras instalacións en A Coruña, Santiago, Lugo, Pontevedra e Vigo.
