A xornalista e escritora Begoña Caamaño é a figura central da celebración este ano, e a provincia encherase de actos para poñer en valor a lingua galega.

En O Barco, as actividades comezarán ás 9:00 horas coas inscricións para a Andaina pola Lingua na Praza Andrés de Prada, que terá a súa saída ás 11:15 horas. Pola tarde, ás 18:30 horas, haberá unha actividade infantil titulada As Pequeletras, coa representación Begoña ao TLF..

Celanova acollerá a XXIII Romaría Etnográfica Raigame en Vilanova dos Infantes, dedicada ao 150 aniversario da publicación de O Tío Marcos d’A Portela. Tamén en Allariz, a Praza da Alameda será escenario dun concerto da Banda Unión Musical de Allariz ás 13:00 horas, seguido ás 19:00 horas dunha actuación musical familiar baixo o título Cantamos con Luis, dentro do programa Ler conta moito.

A vila de Xinzo de Limia, na Praza Maior, fomentará a lectura sacando a literatura galega fóra das librarías cunha venda de libros durante toda a xornada. Ademais, en O Barco, celebrarase o Vermú das Letras Repunantas no Paseo do Malecón ás 13:00 horas.