A entidade deportiva celebrará a xuntanza en primeira convocatoria ás oito da tarde e en segunda ás oito e media. A orde do día inclúe a presentación dun informe detallado sobre a situación deportiva, social e económica actual do club. Tamén se ratificará a dimisión do presidente Argimiro Marnotes.
Un dos puntos clave será a presentación das propostas dos candidatos á presidencia, cuxa elección se realizará por votación directa dos socios. O prazo para a presentación de candidaturas rematará o 24 de xuño á medianoite, debendo ser entregadas no correo electrónico cdarenteiro@gmail.com.
Paralelamente, a directiva mantén diversas reunións coa finalidade de atraer posibles investidores que axuden a sanear as débedas do equipo. O principal obxectivo inmediato é saldar os pagos pendentes cos xogadores para evitar un novo descenso administrativo e poder competir na próxima tempada en Segunda Federación.
