A comitiva partiu desde o templo do barrio de O Couto, percorrendo as rúas da cidade ata chegar á Catedral de Ourense. Durante o traxecto, os asistentes portaron candeas que iluminaron o camiño nunha noite marcada polo sentimento e o fervor relixioso dos cidadáns.

Ao chegar ao templo catedralicio, tivo lugar unha eucaristía solemne que foi presidida polo bispo da diocese, Leonardo Lemos. O acto congregou a unha multitude de fieis que, como cada ano, quixeron acompañar a imaxe mariana nunha das citas máis sinaladas do calendario relixioso ourensán.