O suceso tivo lugar arredor das dez da mañá nun terceiro piso dun inmoble antigo. O lume comezou na cociña e estendeuse rapidamente ao cuarto de baño, ao corredor e a outras dependencias da vivenda.

No momento do incidente, a persoa que habita o piso atopábase ausente, deixando a vivenda pechada con chave. Unha bufarda situada enriba do piso sinistrado tamén resultou afectada, aínda que con danos lixeiros.

Os bombeiros interviñeron cun coche alxibe e dedicaron aproximadamente unha hora ás tarefas de extinción. Saíron do parque ás 10:15 e regresaron ás 11:15. Polo momento, non se valoraron as perdas materiais ocasionadas polo lume.