Pazos de Arenteiro, en Boborás, transportará os asistentes ao século XIX coa recreación da batalla contra a invasión napoleónica baixo o título “1809. A Batalla”. Veciños e asociacións especializadas participarán en desfiles, campamentos e escaramuzas teatrais, culminando coa representación do combate no ponte do río Arenteiro, onde se conmemora a vitoria das milicias galegas sobre as tropas francesas. A xornada, de entrada libre, estará marcada polo rigor histórico e vestimentas de época.

Na Praza de Abastos de Ourense celébrase a décima edición da iniciativa “#Quereoteumercado”. A xornada inclúe degustacións de tenreira galega con pan de Cea, sorteos de agasallos e actuacións musicais. Este ano, a campaña pon o foco nos xoves profesionais e na importancia dos mercados para unha dieta saudable.

A Escola Municipal de Teatro do Carballiño despedirá o curso no seu auditorio ás 20:00 horas cunha mostra de traballos. Os tres grupos do centro presentarán as obras “Axencia de detectives”, “A Casa Encantada” e “Hai algún autor na sala?”. A entrada é libre.

En Vilamarín, a décima edición da Festa Gastronómica da Carne de Terneira Cachena terá lugar no Campo da Festa ás 14:00 horas cun menú especial que inclúe empanada, carne de cachena ó caldeiro e richada, acompañado de pan, viño e sobremesa. O prezo é de 30 euros.

Celanova acolle a segunda edición da Festa da Primavera co Roteiro de Pinchos da Miña Terra, con propostas a 2,50 euros en sete locais. A programación complétase cunha sesión de bingo na Praza Maior (12:00), desfiles e sorteos no Claustro Barroco (20:00) e a actuación da batucada Vilatuke polas rúas (21:30).

Para mañá, domingo, está prevista unha sesión vermú con Mariachi Vigo ás 12:30 horas e unha “Holy party” na explanada do pavillón de As Triguerizas ás 18:00 horas.