A iniciativa, promovida pola Cátedra de Hidrología Médica USC-Balnearios de Galicia co financiamento de Turismo de Galicia, leva por título "A saúde é o que importa" e busca achegar á sociedade o valor terapéutico das augas mineromedicinais.

O evento terá lugar ás 19:30 horas no Liceo de Ourense, cunha entrada libre ata completar aforo. A xornada centrarase nas aplicacións actuais da balneoterapia para o tratamento de patoloxías respiratorias, reumáticas e da pel.

Participarán na sesión o doutor Rafael Melero, médico do Servizo de Reumatoloxía no CHUO; a doutora Mónica Fernández, médica da Unidade de Asma Grave do Servizo de Alergoloxía do CHUVI; e o doutor Javier Labandeira, médico do Servizo de Dermatoloxía do CHUO.

Posteriormente, celebrarase un coloquio moderado polo director da Cátedra, o doutor Juan Gestal.